KazIOR
Сүт безі қатерлі ісігі (СБҚІ) әлемде де, Қазақстанда да әйелдер арасында онкологиялық аурулар құрылымында жетекші орындардың бірін алады. Аурудың жоғары таралуы, сондай-ақ оның медициналық-әлеуметтік маңызы пациенттерді диагностикалауға, емдеуге және оңалтуға заманауи тәсілдерді енгізу қажеттілігін негіздейді.
Қазақ онкология және радиология ғылыми-зерттеу институтының (ҚазОжРҒЗИ) құрылымына кіретін сүт безі ісіктері бөлімшесі белсенді ғылыми қызметпен және инновациялық технологияларды енгізумен үйлесетін СБҚІ диагностикасы мен емдеудің қазіргі заманғы стандарттары іске асырылатын жетекші орталық болып табылады.
Диагностика
Диагностикалық кезең ісік үдерісін визуализациялаудың және морфологиялық верификациялаудың қазіргі заманғы әдістерін пайдалануға негізделеді. Сатылаудың дәлдігін арттыру үшін нақты уақыт режимінде сигналдық лимфа түйіндерін анықтауға және одан әрі лимфодиссекциялау қажеттілігін негіздеуге мүмкіндік беретін жасыл индоцианинді пайдаланумен интраоперациялық флуоресценттік визуализация енгізілді.
Дәрілік терапия
Ісіктің биологиялық фенотипіне байланысты химиотерапияның, гормонотерапияның, таргеттік терапияның және иммунотерапияның жеке схемалары таңдалады. Мұндай тәсіл емдеудің жоғары нәтижелілігін қамтамасыз етеді және қазіргі заманғы халықаралық стандарттарға жауап береді. Терапия схемаларын таңдау ісіктің молекулалық-биологиялық фенотипін ескере отырып, жеке жүзеге асырылады, бұл жоғары тиімділікке қол жеткізуге және дербес онкология қағидаттарына сәйкес келуге мүмкіндік береді.
Хирургиялық емдеу
Хирургиялық компонент араласудың кең спектрімен ұсынылған: радикалды мастэктомиялар мен лимфодиссекциямен және экспресс-гистологиялық бақылаумен ағзаны сақтау операцияларынан бастап қазіргі заманғы реконструктивті-пластикалық әдістемелерге дейін. Тіндік экспандерлерді, импланттар мен эндопротездерді қолдана отырып, бір мезеттік және екі кезеңдік қайта құру, ТДЛ-жарықшақты пайдалана отырып операциялар, сондай-ақ сүт безінің Т-тәрізді тартуларын қоса алғанда, онкопластикалық әдістемелер орындалады. Мұндай кешенді тәсіл онкологиялық радикалдылыққа қол жеткізуге ғана емес, сонымен қатар пациенттердің өмір сүру сапасына тікелей әсер ететін эстетикалық нәтижені сақтауға немесе қалпына келтіруге мүмкіндік береді.
Мультидисциплинарлық тәсіл
Бөлімшеде пациенттерді жүргізу тактикасы айқындалатын клиникаішілік консилиумдарды тұрақты өткізу тәжірибеленеді. Бұл онкологиялық көмектің түрлі бағыттарының ықпалдасуын, емдеудің сабақтастығы мен жоғары нәтижелілігін қамтамасыз етеді.
Медициналық көмектің қолжетімділігі
Емдеу ТМККК, МӘМС шеңберінде, сондай-ақ коммерциялық негізде ұсынылады. Мұндай формат медициналық қызметтер сапасының жоғары деңгейін сақтай отырып, пациенттердің әртүрлі санаттары үшін қолжетімділікті қамтамасыз етеді. Орталықта қазіргі заманғы материалдық-техникалық база мен қолайлы жағдайлар бар.
Клиникалық және ғылыми база
Сүт безі ісіктері бөлімшесі белсенді клиникалық және ғылыми база болып
табылады:
- орталықта дәрігерлер, PhD-докторанттар және резиденттер жұмыс істейді;
- сүт безі ісіктерін ерте диагностикалау және емдеу бойынша жалпы емдеу
желісінің дәрігерлерін оқыту және ғылыми-тәжірибелік семинарлар өткізіледі;
- дәрігерлер диагностиканың, хирургиялық емдеудің және кешенді
оңалтудың инновациялық технологияларын енгізуге бағытталған қолданбалы ғылыми-техникалық бағдарламаларға қатысады. Қазіргі кездегі басым бағыттардың бірі - операция алдындағы және интраоперациялық навигациялық локализаторларды енгізу, флуоресценттік лимфография әдістерін әзірлеу, сондай-ақ операциядан кейінгі оңалтудың кешенді бағдарламаларын жасау болып табылады.
